वनप्लसचा संस्थापक असलेल्या Carl Pei याने वनप्लसमधून बाहेर पडून UK मध्ये आता स्वतःची कंपनी सुरू केली असून या कंपनीचं नाव नथिंग (Nothing) असं आहे. गेले अनेक दिवस सोशल मीडियावर चर्चा सुरू असलेला हा फोन आज सादर झाला आहे. या फोनची निर्मिती भारतातच केली जाणार आहे.
या कंपनीने यापूर्वी ear (1) इयरफोन्ससुद्धा आणले आहेत जे बरेच लोकप्रिय झाले होते. वनप्लसला स्टॉक अँड्रॉईड आणि मध्यम किंमत अशा फोन्समुळे प्रसिद्धी मिळाली होती. मात्र गेले काही महीने त्यांनी त्यांची मालकी असलेल्या BBK Electronics ची दुसरी कंपनी ओप्पोचेच फोन्स आणि ऑपरेटिंग सिस्टम वनप्लसमध्ये देण्यास सुरुवात केली आणि आता ग्राहकांना नव्या वनप्लसची गरज भासू लागली त्यासाठीच या नव्या कंपनीने हा फोन आणला आहे असं सांगितलं जातं.
Nothing Phone (1) मध्ये 6.55″ FHD+ OLED डिस्प्ले, Snapdragon 778G+ प्रोसेसर, 50MP+50MP कॅमेरा, 16MP सेल्फी कॅमेरा, 4500mAh बॅटरी देण्यात आली आहे. याची मागची बाजू पारदर्शक असून यामध्ये खास Glyph डिझाईन असलेल्या लाइट्सचा समावेश आहे! हा Glyph Interface च या फोनला सध्याच्या इतर फोन्सपेक्षा वेगळं बनवतो. आता बाकी कॅमेरा, प्रोसेसरच कामगिरी येत्या काही दिवसात समजेलच.
डिस्प्ले : 6.55″ FHD+ OLED display 120Hz refresh rate, HDR10+
प्रोसेसर : Snapdragon 778G+
रॅम : 8GB/12GB
कॅमेरा : 50MP IMX766 + 50MP JN1 OIS+EIS
फ्रंट कॅमेरा : 16MP IMX471
बॅटरी : 4500mAh 45 watt wired, 15W wireless, 5W reverse चार्जिंग
ऑपरेटिंग सिस्टम : Android 12 Nothing OS
इतर : In-display fingerprint scanner, 5G, Bluetooth 5.2, 12 5G bands, NFC, IP53 water resistance
किंमत :
8GB+128GB ₹32,999
8GB+256GB ₹35,999
12GB+256GB ₹38,999
मर्यादित कालावधीसाठी याची किंमत ₹31,999 (8GB+128GB), ₹34,999 (8GB+256GB), ₹37,999 (12GB+256GB) अशी असणार आहे.
या फोनचा 45W चार्जर बॉक्समध्ये देण्यात आलेला नाही. याची किंमत यांनी चक्क रु २४९९ ठेवली असू प्रिऑर्डर केलेल्या ग्राहकांना हा चार्जर १४९९ रुपयात मिळेल. या फोनची कंपनी Case १४९९ आणि स्क्रीन प्रोटेक्टर ९९९ रुपयांना मिळेल. या फोनशिवाय इतर गोष्टींची किंमती मात्र बऱ्याच जास्त ठेवल्या आहेत!
