आता व्हॉट्सअॅपवर पाठवा व्हॉइस मेसेज

स्मार्टफोन वापरणा-या ‘यंगिस्तान’साठी चकटफू मेसेजिंगची सेवा देणा-या व्हॉट्सअॅपने नवी सुविधा सुरु केली आहे. या सुविधेमुळे युझर्सना व्हॉइस मेसेज पाठवता येतील. ‘वी चॅट’ आणि ‘लाइन’ यासारख्या फ्री मेसेंजर सर्विसला टक्कर देण्यासाठी व्हॉट्सअॅपने हा बदल केल्याचे बोलले जात आहे.


आज व्हॉट्स अॅपने नव्या सुविधेबद्दलची औपचारिक घोषणा केली. महिन्याला ३०० कोटीहून अधिक अॅक्टीव यूझर्सचा पल्ला पार केल्याचेही कंपनीने सांगितले.



व्हॉट्सअॅपची नवी सुविधा अॅण्ड्रॉइड, आयफोन, ब्लॅकबेरी, विंडोज फोन आणि नोकीया फोनवर उपलब्ध आहे. भारतात व्हॉट्स अॅपचे २० कोटी युझर्स असून या युझरकडून नव्या सुविधेला चांगला प्रतिसाद मिळेल, असा विश्वास कंपनीने व्यक्त केला.


व्हॉट्सअॅपच्या नव्या सुविधेमुळे युझर्सला संपूर्ण मेसेज टाइप करण्याऐवजी बटण प्रेस करुन आपला मेसेज रेकॉर्ड करता येईल. हा मेसेज पाठवायचा की नाही हे युझर ठरवू शकेल. तो मेसेज सेंट क्लिक केल्यास पाठवला जाईल आणि डिलिट करायचा असल्यास डाव्या बाजूस स्वीप केल्यास तो व्हॉइस मेसेज डिलिट होईल. रिसिव्ह चॅटमधूनही एका ‘टॅप’ने एखादा व्हॉइस मेल डिलिट करता येईल.


व्हॉट्सअॅपमधील व्हॉइस मेल सुविधेची वैशिष्ट्ये


व्हॉइस मेसेजसाठी वेळेची मर्यादा नाही. हव्या तितक्या वेळेचा मेसेज रेकॉर्ड करता येणार आहे. मोबाईल कानापासून लांब धरला तर तो आपोआपच स्पीकर मोडवर जाईल. मात्र तो जर कानाजवळ पकडल्यास मेसेजचा आवाज कमी होईल. मेसेजचा आवाज आपोआप नियंत्रित होईल.


तुमचा मेसेज समोरच्याने ऐकला की नाही हे तुम्हाला समजणार. जर समोरच्याने हा मेसेज वाचला असले तर तो निळ्या रंगाच्या बटणाने दर्शवला जाईल.