प्रकार आहे. त्यामुळे फोन पडल्यास स्क्रीन फुटण्याचा धोका अधिक
असतो ; तसेच फोनमध्ये बिघाड होण्याचा संभवही अधिक असतो.
यावर उपाय योजण्यासाठी आणि स्मार्टफोन अधिक टिकाऊ
बनविण्यासाठी कंपन्या प्रयत्नशील आहेत. अमेरिकेतील अॅमेझॉन या
टेक्नॉलॉजी कंपनीने एअरबॅगसाठी मोशन सेन्सर टेक्नॉलॉजी विकसित
केली आहे. यामुळे स्मार्टफोन , टॅब्लेट , कॅमेरा अशा वस्तू पडल्यावरही
सुरक्षित राहू शकतात.
आपल्या रोजच्या जीवनात मोबाइलचे महत्त्व वाढतच चालले आहे.
त्यात टॅबलेटची भर पडत आहे. पूर्वी मोबाइल हे फक्त कम्युनिकेशनचे
साधन होते. सध्याही त्याचा प्रमुख उपयोग तोच असला तरी , या
माध्यमातून कम्युनिकेशनची अन्य साधनेही वापरता येतात. साधा मोबाइल ते स्मार्टफोन हा टप्पा
गाठायला पंधराहून अधिक वर्षांचा कालावधी लागला. पूर्वीचे मोबाइल हँडसेट हे अधिक टिकाऊ
होते. त्यामुळे हँडेसट खाली पडला तरी डिस्प्ले जाणे , फोन बंदच पडणे हे प्रकार तुलनेने कमी
होत. फोनमधील फीचर्स मर्यादित असल्याने फोनचे डिझाइनही सध्याच्या तुलनेत कमी आकर्षक
होते. या काळात मोबाइलचे स्वरूप हे फीचर फोनवरून स्मार्टफोनच्या दिशेने बदलले. आता
बेसिफ फोन किंवा फीचर फोनच्याऐवजी स्मार्टफोनची विक्री अधिक होऊ लागली आहे.
कारमध्ये एअरबॅगचा वापर लोकांच्या सुरक्षिततेसाठी केला जातो. तशाच प्रकारची मात्र छोटी
एअरबॅग फोनचे संरक्षण करणार आहे. फोनसाठी विकसित झालेली सिस्टीम मोशन सेन्सरचा वापर
करते. स्मार्टफोन खाली पडताना सेन्सरच्या मदतीने फोनमधील छोट्या एअरबॅग उघडतात आणि
फोन सुरक्षितपणे जमिनीवर पडतो. मोबाइल फोनसाठी अशा प्रकारची सिस्टीम विकसित
करण्याची कल्पना अॅमेझॉन या कंपनीला सुचली. टॅब्लेट ,मोबाइल फोनला सुरक्षित कव्हर देणारी
सिस्टीम विकसित केल्याबद्दल कंपनीला पेटंट मिळाले आहे. याबाबत कंपनीचे संस्थापक जेफ बेझोस
यांनी अमेरिकेत पेटंटसाठी अर्ज केला होता. खाली पडताना आघात बसण्यापूर्वी तो किती जोराचा
असू शकतो याचा अंदाज लावला जातो. त्यामुळे आघात होण्यापूर्वी बचाव सिस्टीम कार्यरत
होऊन नुकसान कमी होऊ शकते , असा दावा कंपनीने केला आहे. त्यामुळे भविष्यात स्मार्टफोनला
एअरबॅग फीचर आल्यास आश्चर्य वाटायला नको. अर्थात हे फीचर संबंधित गॅजेटच्या
सुरक्षिततेसाठीच आहे.